أي حد عايز يسئل عن حاجة في شئؤن الطلاب ومش عايز يروح

هاى انا عندى استفسار انا طالب بالفرقه الرابعه سيارات و مش مقبم بمصر والكليه بعت لى خطاب فصل علشان موقفى من التجنيد وانا من الصعب اجى وعايز اعرف الفصل دة هيكون نهائى ولا موقت و ازاى اجل الموضوع لمدة سنة لما ارجع مصر
وشكرا لتعيك

ازيك يا romy
أنا سألتلك عن الموضوع ده في شئون الطلبة انهردة ؛ فقالولي ان ده إيقاف قيد .. مش فصل نهائي لحين بيان موقفه من التجنيد.
يعني لازم عشان تدخل الامتحان يكون معاك جواب من التجنيد إما إعفاء أو إذن بدخول الامتحانات (لو لبست لا سمح الله يعني)
في حاجة تاني قالها لي الموظف انه سنة رابعة بالذات ليها نظام خاص
لو انت ناجح في أكتر من نصف المواد يبقى ممكن تدخل الامتحانات عدد لانهائي من السنين..
أما لو مش ناجح في أكتر من نصف المواد فليك عدد محدود من المرات ..
وفقك الله لما يحب ويرضى .. وعايزين نشوفك في الكلية ..

السلام عليكم اناعايز اعرف تدريب الفرقة التالتة اجباري ولا لأ وايه النظام يعني

انا عاوز حول لى هندسة فى القاهرة اعمل اية ؟

بالنسبة لتدريب سنة تالتة.. لا مش اجباري بس تالتة دي اللي هي بعد اعدادي يعني رابعه باعدادي
....................................................
بالنسبة للي عايز يحول جامعه القاهره.... أسهل من التحويل مفيش - لو فيه نصيب - بس بالنسبة للي عارف النظام

معاك واسطة؟؟ و خلصت اعدادي صافي و رايح أولى

الموضوع سهل إن شاء الله بس حاول تشوف واسطة في ادارة التحويل هناك

غير كده للأسف الموضوع صعب

إلا لو انت جايب جيد جدا و عايز تدخل أي قسم يفرضوه عليه هناك

و هنا في مصر مفيش حاجة مستحيل.... ناس مش معاها شهادة أصلا و بتدرس في جامعه القاهره

استعن بالله أولا ... ثم دور على واسطة و ربنا يوفقك

و لو لا سمح الله محولتش عادي.. كمل في المكان اللي انت فيه و زود نفسك بكورسات في الاجازة و تدريب أو معادلة بعد ما تخلص من الجامعه الأمريكية

و ربنا يوفقنا جميعا