ارجو المساعده

السلام عليكم جميعا اعضاء منتدى كليتنا

انا عايز اعرف رأيكم انا مجموعى مش هيجيب مدنى وعايز ادخل عماره بس فى ناس مخوفانى مش القسم ده وبتقولى انه اصعب من مدنى
انا عايز رايكم وعايز ترتيب لافضل الاقسام
شكرا

أهلا وسهلا بيك يا باشمهندس bodi
ومستنين مشاركاتك معانا على طول في المنتدى ..
إن شاء الله مجموعك يجيب القسم اللي انت عايزه .. مدني وعمارة وكل الأقسام حلوة ..
المهم تشوف الحاجة اللي انت بتحبها وحاسس انك هتلاقي نفسك فيها ..
كل الأقسام بلا استثاء شغلها ممتاز ؛ طبعا مش في المنيا لأن مفيش مصانع كتير ، لكن في القاهرة والاسكندرية والمدن الصناعية ..
أنا مش عارف مدني أصعب ولا عمارة .. بس اللي أعرفه ان كل الأقسام محتاجة شغل!
ربنا يوفقك ويا ريت الباشمهندس أحمد حلواني يفيدنا في الموضوع ده..

سلام عليكم و رحمة الله و بركاته _
بص بقا ياعمنا بودي اولا انا كنت في مدني و قعدت سنة و حولت منه _ مافيش مجال ان اقولك سبب التحويل بس اكيد هتفهمه من الكلام الجاي_ انا مش بخوفك من مدني بس لو حاسس انك بتذاكر و مش هتزهق من الشغل و المذاكرة و الحضور و الامتحانات _ ادخل مدني _وعمارة برضه فيه حضور و غياب و شغل كتير جدا _ بس الرسم له الاغلبية في الموضوع ده _ بنرسم كتير جدا جدا _ وبس انا شايف ان الرسم اسهل بكتير من المذاكرة _ ده طبعا غير ان في مواد نظري بس موادنا بحسها ظريفة و لطيفة و خفيفة و غير كده مواد عمارة بتستمع و الله بجد بدراستها _ مش متحيز لقسمي ولا حاجة بس و الله ده اللي انا شايفه فعلا _ لو اتكلمنا فيما بعد الكلية احب اقولك ان مافيش ولا حد اتخرج من مدني او عمارة و مالقيش شغل بتفرق في السي في بتاعك _ و كمان تدريب المكاتب برة اثناء الكلية و البرامج اللي انت متقنها _ بس عمارة و مدني في عجز جامد جدا في السوق و خصوصا الشطار منهم _ حتا المقبول بيلاقي شغل _ و ربنا معاك انشاله يوفقك للقسم اللي فيه الفايدة ليك _ منتظرين مشاركاتك معانا في المنتدى _ و اهلا و سهلا بيك _
تحياتي
احمد الحلواني

شكرا على اهتمامك يا بشمهندس احمد وربنا يسهل واحسن الاختيار

لان انا مشكلتى ان انا بفكر فالشغل من دلوقتى وانا نفسى ادخل عماره بس فى ناس كتير بتقولى مدنى علشان كده انا بسأل على كده

وشكرا على ردك عليا اللى اكيد انا استفدت منه

اهلا وسهلا بيك في اي وقت