منتديات طلاب كلية الهندسة - جامعة المنيا
مرحبا بك أيها الزائر(ة) الكريم ..
شعارنا: (ساهم معنا في بناء صرح كليتنا ..)
حيث سنبذل كل جهدنا للرقي بجامعتنا عموما وكلية الهندسة خصوصاً .
للمشاركة يجب عليك (التسجيل) أو إذا كنت مسجلا بالمنتدى يمكنك (الدخول)
وفقكم الله ..
بحـث
 
 

نتائج البحث
 


Rechercher بحث متقدم

شارك الموضوع:
| More
موضوعات مهمة



المواضيع الأخيرة
» أحسن مراجعة لقوانين التفاضل والتكامل والجبر والفراغية
الأربعاء سبتمبر 03, 2014 9:50 pm من طرف Ahmed mahmoud

» ملتقى التوظيف الثامن عشر بكلية هندسة جامعة القاهرة من يومى 28/29 ابريل
الجمعة أبريل 26, 2013 5:38 am من طرف egyptian boy

»  Java Standard Edition(J2SE) in Cairo By AMIT Learning
الإثنين فبراير 04, 2013 4:17 pm من طرف soha hamdy

» دبلومة الاي فون (iPhone) فى مصر فى مركز AMIT Learning
السبت فبراير 02, 2013 8:45 pm من طرف Fateema Ahmed

» طلب مساعده ضرووووووووووووووورى
السبت مايو 19, 2012 10:09 pm من طرف arc_hossam

» كورس الاى فون ( iphone course in AMIT Learning)
الثلاثاء أغسطس 16, 2011 5:16 pm من طرف rotna

» iPhone Development Diploma in Egypt
الإثنين أغسطس 08, 2011 3:06 pm من طرف rotna

» لو انت طالب من دفعة إعدادي الجديدة يبقى تدخل هنا
الثلاثاء أغسطس 02, 2011 11:27 am من طرف мя. ρħ∂ήţσм

» Embedded Software Diploma In Egypt
الثلاثاء أغسطس 02, 2011 4:12 am من طرف rotna

» TOEFL IBT & IELTS TEST PREPARATION COURSE WITH EMAN HAFEZ IN EGYPT In AMIT Learning
الأربعاء يوليو 20, 2011 7:32 pm من طرف rotna

» TOEFL IBT & IELTS TEST PREPARATION WITH EMAN HAFEZ IN EGYPT In AMIT Learning
الإثنين يوليو 18, 2011 8:15 pm من طرف rotna

» TOEFL IBT & IELTS TEST PREPARATION WITH EMAN HAFEZ IN EGYPT In AMIT Learning
الإثنين يوليو 18, 2011 7:57 pm من طرف rotna

» Embedded Systems Diploma in AMIT Learning
الخميس يوليو 07, 2011 6:16 pm من طرف rotna

» اغتنم فرصة 70 % دعم لدورتي CCNA + MCITP من pioneers Academy
الأحد يونيو 26, 2011 4:00 pm من طرف angel_eye

» ENHANCE YOUR ENGLISH DIPLOMA In AMIT Learning
السبت يونيو 25, 2011 8:45 pm من طرف rotna

مواقع صديقة

 

 


كيف تكون إنسان مختلف ومتميز بسلوكك بين اصدقائك وعائلتك [مدعم بأمثله عملية]

اذهب الى الأسفل

كيف تكون إنسان مختلف ومتميز بسلوكك بين اصدقائك وعائلتك [مدعم بأمثله عملية]

مُساهمة من طرف admin في الثلاثاء مارس 16, 2010 1:03 am

بسم الله
والصلاة والسلام علي سيدنا محمد رسول الله ,, وعلى آله وصحبه وسلم ..



- اليوم ,, هعلمكم ,, ازاى بجد تبقى مميز وسط اصحابك ..
- ازاى تكون لك لمسة طيبة فى قلوب
كل كل كل اصدقــــــــــــــــائك ..

- هتعرف
ازاى تنتهز الفرص الإيجابية والسلبية ,, عشان تأثر تأثير جميل فى نفوس
اصدقائك وجيرانك واى شخص ..

- هتبقى بأذن الله شخص مختلف
بسلوكك الإيجابى مع اصدقائك ..




بصو يا
جماعة ..
فيه حاجات كتيرة اوى بنعملها ,, بتكون لها تأثير ايجابى جميل فى نفوس
اصدقائنا ..
بس , كتير بيقدر يعمل كدا ..
فمفيش تميز لسه !!
ليه مفيش تميز ؟؟

لأن الموقف الايجابى دا اللى انا عملته
مع صديقى ,,
فلان 1 ,, وفلان2 ,, وفلان 3 ,, عملو معاه نفس الموقف الايجابى الجميل دا
قبل كدا ..
فالصديق دا بقى متوقع ان حبايبه المقربين له يعملو معاه مواقف ايجابيه ..






مثال (1) مبسط جدا //
انا راكب العربية ,, فلاقيت
صديق ليا ,, فقمت دفعت له !!
ايه الجديد ؟؟ ما ياما ناس دفعت ليا الأجرة فى المواصلات !!






مثال (2) ابسط منه //
انا بشرب شاى فى اى مكان
مثلا ,, ولاقيت صديق ليا جه يشرب شاى ,, قمت عزمته مثلا
او دفعت له !!
ايه المشكلة ؟؟ فى كتير جدا من الأوقات بندفع للقريب والغريب ,, وكثيرا من
الزملاء بيدفعو لنا حساب المشروب دا !!




طيب كويس اوى ,,
ازاى نستغل الظروف والمواقف ,, عشان نبقى مميزين جدااااااااا فى نفوس
اصدقائنا ,, والجيران ,, واى شخص اين كان !!


1-
لما تعرف مثلا ,, ان صديق لك ,, تعبان
مش تعبان التعب الشديد ,,, اقصد تعب بسيط جدا
مجرد برد ,, كحة ,, انفلوازا .... اشياء من هذا القبيل ..

التصرف //


ابعت له رسالة بسيطة جدا على الجوال ..
اقول له فيها ,,
لا بأس طهور ان شاء الله
,, او
أسأل الله العظيم رب العرش العظيم ان يشفيك ..
بس كدا ,, الرسالة دى ,, ثمنها فى مصر عندنا ,, حوالى 30 قرش بس ..
بس أثرها فى نفس الشخص دا ,, عظيم جدا ..


والسؤال الهااااااااااام جدا ؟؟؟
الصديق دا ,, ممكن اعزمه على
مشروب مثلا يتكلف 5 جنيه مثلا ..
بس عادى ,, لأننا كل يوم وكل شوية بنعزم الناس ,, وبنتعزم !!
صح
انما ,, لما ارسل له رسالة ,, سعرها بسيط جدا ,, اطمئن على صحته ..
دى لها أثر اكبر واعمق فى نفسه ..

ليه ؟؟
لأنه عارف ان مرضه دا ,, حاجة بسيطة جدا محدش يهتم ليها ..
بس انت اهتميت ..
الله ,, استشعر الإحساس دا !! ,, هتلاقيه جميل
جداااااااااا




2-

انت مثلا ,, راكب تاكسى ,,
ممكن بكل بساطة ,, تدفع للسائق ,, ثمن اجرته وخلاص ..
وممكن ,, تعطيه اكثر من اجرته بحاجة بسيطة كنوع من التقدير او الجود والكرم
!!
بس دا تأثيره فى نفس السائق عادى جداااا .. أو
ممكن يفرح حاجة بسيطة اوى ..

يا ترى ليـــــــــــــــــــــــه ؟؟
لأن فيه ناس كتيرة اوى بتدفع اكثر من ثمن الأجرة ,, كنوع من الكرم مثلا ..
أو ناس كتيرة بتدفع اكثر ,, لأنها خايفة من الاحراج مثلا ,, للسائق يطلب
أجرة زياده ..

لكن تأملو الموقف اللى حصل معايا اليوم ,,
وانا راكب التاكسى ,, وبنتكلم
انا والسائق ..
وواقفين عند اشارة مروور ,, فوجدت طفل صغير ,, بيبيع فل وياسمين ..
وبيلف على العربيات يبيع لهم ..
فندهت له ,, وأشتريت منه عقد فل وياسمين ,, واعطيته اكثر من حق الفل دا ..
وعلقته فى سيارة السائق بتاع التاكسى ..

السواق ,, مكنش متوقع نهـــــــــــــــــــائيا ,, موقف زى دا منى !!
فكان له اثر جميل اووووووووووووى فى نفسه ,, انا نفسى حسيت بكدا ..
واتبسطت جداااااااااا والله انا راكب معاه .. لأنى شفته فرحان جدا وسعيد
بالموقف اللى عملته دا ..
(طبعا لا نزكى انفسنا ,, حاشا لله ,, بس مجرد والله
بذكر موقف يعنى)






والســــؤال
الهااااااااااام جدا ؟؟؟

1 -انا كان ممكن اعطى للسواق ,, مثلا اجره اكثر من حقه ..
2- وكان قدامى الموقف الثانى دا ,, اللى ممكن
يكون كلفنى ماديا ,, اقل من الطريقة الأولى ..


ايه دا ؟؟ انت عايز تقول ايه يا احمد يا
صبرى ؟؟

عايز اقول
,, الموضوع كله فى المفاجأه..
انى افاجىء الشخص الآخر ,, بما لم يتوقعه منى ..



بمعنى ,, انى
لو اعطيت للسائق فلوس زيادة
عادى !!
دا متوقع !!
كتير بيعمل كدا !!

انما ,, انك تلاقى ولد صغير بيبيع فل ,, تقوم تشتري منه الفل بأبتسامه

حلوة كدا ..

فتسعد الطفل دا .. (ويا سلام ,, لو شجعته على شغله دا
..)

وتعلق الفل فى عربية السائق ,, فتسعد السائق اكتر واكثر ..(ويا سلام يا سلام ,, لو علقته انت بنفسك ,, مش اعطيته للسائق
فى ايده ..)


على فكرة ,, دى حاجات صغيرة جدااااااااا
بس والله من واقع خبرتى ,, دى لها اثر قوى جدا وفرق معنوى جدا فى نفوس
الناس ..

3-
مثلا ,, فى الاعياد ,, انت
عارفين ان الكل بيبعت رسايل للأصدقاء بقى وكدا ..
وبصراحة ,, الواحد بيكون متوقع مين اللى هيبعت له رسائل العيد ..
او رسايل رمضان ..
يعنى مثلا ,, احنا داخلين
اهو على شهر رمضان المبارك (بلغنا الله واياكم الشهر)
انا نفسى ,, متوقع الاشخاص اللى هيبعتو ليا رسائل المباركة ..


نرجع بقى للى قلته من شوية ,,
الموضوع كله فى عنصر المفــــــــــــــاجآة ..

مثال (3) //
ليا
زميل فى الكلية , مجرد زميل ,, كان معايا رقمه عادى يعنى !!
ومفيش بينا غير السلام وخلاص ,, بس لو انا مريض مش هيسأل عليا
ولو انا فى مشكلة ,, مش هيقول لى مالك ؟؟
ولو انا سعيد مش هيسألنى ,, ايه اللى مفرحك ؟؟
وانا ببعت رسائل رمضان مثلا ,, جه فى بالى
قلت والله لازم افاجأه برسالة , وتكون مميزة كمان ,, تعرفو
ليه عملت كدا ؟؟

لأنى حطيت نفسى مكانه ..
فحسيت بالفرحة لأن واحد مكنتش اتوقع انه يسأل فيا ,, وسأل فيا ..
فقلت ,, ليه لأ ادخل السرور
على قلب مسلم ..
برسالة بسيطة جدا ..

مثال (4) //

انا ليا
زميل فى الكلية ,, عرفت انه هيخطب اهو كمان اسبوعين ..
فأنتهزت الفرصة ,, انى ابارك له قبل او بعد الفرح ..

لأنى عارف انه مش هيعزمنى ,, لأن علاقتنا ببعض محدودة شوية ..
بس ايه المشكلة ,, انى افاجأه بحسن تصرفى ...
وحسن اقتناص الفرص ,, لأجبار الشخص دا ,, انه يحترمك اوى
ويحبك اوى ..
ويرى فيك ما يميزك عن الآخرين ..
على الأقل ,, لو ذُكر اسمك امامه ,, هيلاقى لك موقف
جميل اووى عمره ما هينساه ,, يذكره فى حقك ..



4-
يقول النبى صلى الله عليه وسلم
,,
تهادو تحابوا ..
فما اجمل من التهادى ..
يعنى انا بطبيعى علاقاتى ,, لا
فيه هدايا بتجينى ,, غير قليل جداااااااااااااااااااااااا ,,
فأكيد انتم لكم اصدقاء بالشكل دا !! ,, فإيه المشكلة اننا ندخل عليهم
السرور بهدايا بسيطة جداااااااااااا
وتكون لها أثر كبير فى قلوبهم ,, خصوصا انهم اشخاص ,, قليل لما بيجي لهم
هدايا
!!(زى حالاتى كدا )

واحد فقير هيقول لى ,, يا بو حميد ,, العين بصيرة والأيد قصيرة !!
هقول لك بص معايا على المثال دا
مثال (5) //

ايه رأيك فى الصورة دى ؟؟
عادية صح !!
انا بصراحة شايفها عادية
محرد صورة
لا تلفت الأنتباه ..
...
..
...
..
...
..
...
..
...
.....
..
...
..

طيب بص معايا كدا تانى فى الصورة
دى ؟؟

...
..
...
..
...
..
...
..
...
.....
..
...
..
التفائل ,, لأن هذا اليوم سيكون اول يوم فى بداية راحتى
!!



ها ايه رأيك ؟؟
حسيت بمعنى عميق فى الصورة دلوقتى ,, صح
انا شخصيا والله ,, شفت عمق جديد فى الصورة
حسيت بمعنى جديد ..

طيب انا عايز اقول ايه ؟؟
عايز اقول ,, انك ممكن تجيب هدية
بسيطة جداااااااااااااااااااااا
حاجة ثمنها لا يتعدى ال 3 الجنيه مثلا !!
بس انت تبص لها بنظرة خاصة ,, وتضيف عليها لمستك السحرية ,, بأى طريقة بقى
كلمة ,, بيت شعر ,, اى حاجة بقى دى ترجع لك انت !!
تقدر تضيف عليها المعنى العميق ,, اللى تجعل الهدية دى لها اثر عميق فى نفس
صديقك ,, اكثر من هدية ثانية غالية جدا عنده ..

ليــــــــــــــــــــــــــه ؟؟
لأن الهدية دى فيها لمسة ,, فيها
عمق ..
زى الصورة الثانية كدا ..



وفي الصحيحين عن أبي هريرة رضي اللّه
عنه أنّ رسول اللّه قال: «يا نساء المسلمات لا تَحْقِرَنّ جارة لجارتها ولو
فِرْسِنَ شاة«، (الفرسن: عظم قليل اللحم) وقد
شــــرح البخــــــاري في فتـــح الباري هذا الحديث بقوله: «وأشير بذلك
إلى المبالغة في إهداء الشيء اليسير وقبوله لا إلى حقيقة الفرسن لأنه لم
تجرِ العادة بإهدائه

طبعا ميجيش واحد بقى ,, يقولى
,, طيب ,, هشترى برّايَة مكسورة ببريزة ,,
واروح اديها هدية !!
الحديث هنا بيتكلم عن تقبل الهدية مهما كانت بساطتها ,, بس مش معنى كدا
اننا تهدى بالشىء الذى لا يهدى به !!


والهدية لا تقاس بحجمها، أو
بغلاء ثمنها، ولا بقيمتها المادية، وإنما تُقاس بمقدارها المعنويّ
لذلك ,,
قال رسول اللّه في الحديث الذي رواه أحمد
والترمذي: «لو أهدي إليّ كُـراع لقبلت، ولو دُعيتُ
عليه لأجبت«
(الكراع ما دون الكعب من الدابة).


صلى الله على محمد ,, صلى الله عليه وسلم ..


5-
فاجىء اى
شخص مهما كان ,, بحسن سلوكك وروعة تصرفاتك ..


لى صديق ,, بينه وبين عمه مشاكل
,, فى الميراث وله حقوق كثيره جداااااااااااا عند عمه ..
لذلك ,, العلاقات متدهورة للغاية ..
وقد يصل الأمر لحد الكره ..
ولكن ,, علمت ان بن عم صديقى دا ,, مر بمشاكل نفسية عميقة ,,
ايه المتوقع من العم ؟؟
ان صديقى ,, يفرح فيه ,,
لأنه له حق كبير عند عمه ..
ولكن صديقى دا ,, معملش كدا ..
راح لأبن عمه ,, وجلس معاه ,, حاول يخرجه من المشاكل اللى بيمر بيها ,
ونصحه بما هو خير له ..
بعدها ,, صديقى بيقول لى ,, انى
شايف فى عيونهم ,, انى عملت حاجة مكنوش متوقعنها ابدا منى !!
ومن يومها ,, بيشعر ان له معزة خاصة داخلهم ,, رغم المشاكل التى لا تزال
قائمة ..

وأختم بهذه الرواية ..


مع العلم انه لمن الأمانة فى النقل ,,
اننى قرات بعض المقالات كى اعرف مدى صحة ما سأكتب ,, فوجدت البعض يقول انها
ذات اسناد ضعيف

والبعض يشكك فيها ,,
وبكنى سمعتها من أفواه بعض المشايخ !! لذلك ذكرتها ..


كان لعبد الله بن
الزبير - رضي الله عنهما - مزرعة في المدينة مجاورة لمزرعة يملكها معاوية
بن أبي سفيان - رضي الله عنهما - ،
وفي ذات يوم دخل عمّال مزرعة معاوية إلى مزرعة ابن الزبير ، فغضب ابن
الزبير وكتب لمعاوية في دمشق ، وقد كان بينهما عداوة :
«من عبدالله ابن الزبير إلى
معاوية ( ابن هند آكلة الأكباد ) أما بعد ...
( فإن عمالك دخلوا إلى مزرعتي فمرهم بالخروج منها ، أو فوالذي لا إله إلا
هو ليكوننّ لي معك شأن)».

فوصلت الرسالة لمعاوية وكان من أحلم الناس فقرأها ، ثم قال لابنه يزيد :
«ما رأيك في ابن الزبير أرسل لي يهددني ؟» .
فقال له ابنه يزيد : «إرسل له جيشاً أوله عنده
وآخره عندك يأتيك برأسه» .

فقال معاوية :
«بل خيرٌ
من ذلك زكاة وأقرب رحما» .
فكتب رسالة إلى عبدالله بن الزبير يقول فيها:
«من معاوية بن أبي سفيان إلى عبدالله بن الزبير (ابن أسماء ذات النطاقين )

أما بعد ...
فوالله لو كانت الدنيا بيني وبينك لسلمتها إليك ..
ولو كانت مزرعتي من المدينة إلى دمشق لدفعتها إليك ..
فإذا وصلك كتابي هذا فخذ مزرعتي إلى مزرعتك وعمالي إلى عمالك ...
فإن جنّة الله عرضها السموات والأرض .
فلما قرأ ابن الزبير الرسالة بكى حتى بلها بالدموع وسافر إلى معاوية في
دمشق وقبّل رأسه وقال له :
«لا أعدمك الله حلماً أحلك في قريش هذا المحل» .

انا
عايز اقول ايه من الرواية هذه ؟؟

عايز اقول ,, ان سيدنا معاوية رضى الله عنه ,, فاجىء سيدنا عبد الله بن
الزبير ,, بما قد لا يتوقعه ..
فما كان من صحابى رسول الله ,, (عبد الله بن الزبير )إلا ان يبكى ,, ويذهب
ليقبل رأس ,, الصحابى (معاوية بن ابى سفيان) رضى الله عن الجميع


فى النهاية ,, حبيت اقول
,, انى ذكرت بعض النقاط فى جزء معين ,, يجعلك تكون محبوب بين الناس ..
طبعا انا مذكرتش كل الجوانب والصفات ..
لأن كدا هيحصل تشتت فى الذهن ,, ومش هنخرج من الموضوع بمعلومة منظمة ..


أتمنى ,, اتمنى ,, من الله ان
يتقبل منى العمل دا
ويساعد اى حد من اللى هيقرأ الموضوع , على إدخال السرور فى قلوب اصدقائهم
,, وان يجعل الله لكم القبول فى الارض ..


أن تضيء شمعة واحدة خير لك من أن تنفق عمرك كله تلعن الظلام.

admin
المشرف العام
المشرف العام

تاريخ التسجيل : 15/10/2009

http://minia-eng.com

الرجوع الى أعلى الصفحة اذهب الى الأسفل

رد: كيف تكون إنسان مختلف ومتميز بسلوكك بين اصدقائك وعائلتك [مدعم بأمثله عملية]

مُساهمة من طرف memo_4u60 في الثلاثاء مارس 16, 2010 2:00 am

موضوع رائع

memo_4u60
المشرف على خيمة المرح
المشرف على خيمة المرح

تاريخ التسجيل : 19/02/2010

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى